काठमाडौँ । नेपाली कांग्रेसको १४ औं महाधिवेशनअन्तर्गत खुल्ला केन्द्रीय सदस्यको मतगणना जारी छ । कांग्रेस पार्टी केन्द्रीय कार्यालय सानेपामा शनिबार बिहान १०:३० बजेदेखि मतगणना सुरु भएको थियो । कांग्रेस केन्द्रीय निर्वाचन समितिका अनुसार मतगणना १५ ठाउँमा भइरहेको छ ।

खुल्लातर्फ ३५ जना केन्द्रीय सदस्यको मतगणना भइरहेको हो । कांग्रेस निर्वाचन समितिका अनुसार हालसम्म १५८९ मतगणना भएको छ । जसमा शशांक कोइरालाले १३१३ मत प्राप्त गरी शिर्ष स्थानमा रहेका छन् ।

यस्तै १०२२ सहित एनपी साउद दोस्रो र रमेश लेखक ९६९ मतसहित तेस्रो स्थानमा छन् । खुला केन्द्रीय सदस्य ३५ पदका लागि ९९ जनाले उम्मेदवारी दिएका छन् ।