काठमाडौँ । सत्तारुढ गठबन्धनको बैठक बालुवाटारमा सुरु भएको छ । प्रधानमन्त्री शेरबहादुर देउवाले बोलाएको सर्वदलीय बैठकअघि गठबन्धनको बैठक बसेको हो ।

प्रधानमन्त्री देउवाले आइतबार दिउँसो ४ बजे सर्वदलीय बैठक बोलाएका छन् । सत्तारुढ गठबनन्धनको बैठकमा प्रधानमन्त्री देउवासहित नेकपा माओवादी केन्द्रका अध्यक्ष पुष्पकमल दाहाल प्रचण्ड, जसपाका अध्यक्ष उपेन्द्र यादव लगायत सहभागी छन् ।

बैठकमा एकीकृत समाजवादीका अध्यक्ष माधव कुमार नेपाल अनुपस्थित रहेका छन् । बैठकमा सहभागी हुन प्रधानमन्त्री निवास बालुवाटार पुगेका नेपालले अर्को बैठकमा जानु पर्ने भएकाले बाहिरिएको बताए ।