काठमाडौँ । नेकपा माओवादी केन्द्र वागमती प्रदेश कमिटीको नेतृत्व चयनका लागि मतदान सुरु भएको छ । माओावदी केन्द्रको निर्वाचन समितिले तोकिएको समयभन्दा केही ढिलो गरी मतदान सुरु भएको हो । अध्यक्षमा दिनानाथ गौतम र सरल सहयात्री पौडेल प्रतिष्पर्धामा छन् ।

उनीहरु दुवै जनाले मतदान गरी सकेको निर्वाचन समितिले जनाएको छ । तीन उपाध्यक्षका लागि १० जनाले उम्मेदवारी दिएका छन् । जसमामा दिपेन्द्र श्रेष्ठ, रुपा महर्जन, रामप्रसाद टुंगाना, मैनकुमार मोक्तान, शिव कोइराला ज्वाला, श्रीगोविन्द महर्जन, प्रेमबहादुर पुलामी छिन्तु, रामध्वज डल्लाकोटी, दिलबहादुर विक विनोद र अमरबहादुर विश्वकर्मा रहेका छन् ।

यस्तै एक सचिवका लागि चार जनाले उम्मेदवारी दिएका छन् । सचिवमा धर्म महर्जन, रामचन्द्र अधिकारी आरसी, इन्द्रबहादुर थिङ छिन्ताङ र अन्जानकुमार तिमिल्सिनाले प्रतिस्पर्धा गर्ने भएका छन् । यस्तै तीन सहसचिवका लागि १० जना र कोषाध्यक्ष एक पदका लागि तीन जनाको दावी परेको छ । माओवादी केन्द्रमा पहिलो पटक निर्वाचन भएको हो । यसअघि सर्वसम्म नेतृत्व चयन गर्दै आएको थियो ।