काठमाडौं । हाल देशको पहाडी भू–भागहरूमा आंशिक बदली हुुनुका साथै तराईका थोरै भूभागमा हुस्सु र कुहिरो लागेको छ ।

जल तथा मौसम पूर्वानुमान महाशाखाकाअनुसार बुधबार देशको पहाडी भू–भागमा आँशिक बदली हुनुका साथै प्रदेश १ को उच्च पहाडी तथा हिमाली क्षेत्रका केही ठाउँमा हल्का हिमपातको सम्भावना छ ।

अन्य भू–भागमा भने बुधबार मौसम सामान्यतया सफा रहने महाशाखाले जनाएको छ ।

यस्तै, बिहीबार देशका पहाडी भू–भागहरूमा आंशिक बदली हुनुका साथै बाँकी भू–भागमा सामान्यतया मौसम सफा रहनेछ । विहीबार पनि प्रदेश नं १, वागमती प्रदेश र गण्डकी प्रदेशका हिमाली क्षेत्रका एक वा दुई स्थानमा हल्का हिमपातको सम्भावना रहेको महाशाखाले जनाएको छ ।

शुक्रबार पहाडी भू–भागमा सामान्य बदली हुने तथा अन्य क्षेत्रमा सामान्यतया मौसम सफा रहने पूर्वानुमान छ । शुक्रबार पनि उच्च पहाडी तथा हिमाली क्षेत्रका थोरै स्थानमा हल्का हिमपातको संभावना छ ।