काठमाडौँ । “स्वदेशमै शिक्षा सबैको इच्छा” भन्ने मुख्य उद्देश्यका साथ दुई दिन शैक्षिक मेला हुने भएको छ । भिजन मिडिया इन्कर्पोरेशन र एजुकेशन डट कमको आयोजनामा काठमाडौँको वानेश्वरस्थित एभरेस्ट होटेलमा यही पुष ८ र ९ गते नेपालमा उच्च शिक्षा लिन चाहाने विद्यार्थीलाई लक्षित गरी शैक्षिक मेलाको आयोजना गरिएको हाे ।

सातौँ संस्करणको मेलाको टाइटल स्पोन्सर आईआईएमएस कलेज रहेको छ । दुई दिन विहान १० बजेदेखि साँझ ६ बजेसम्म काठमाडौं विश्वविद्यालय, त्रिभुवन विश्वविद्यालय, पोखरा विश्वविद्यालय, पूर्वाञ्चल विश्वविद्यालय, मध्यपश्चिमाञ्चल विश्वविद्यालय तथा विभिन्न अन्तर्राष्ट्रिय विश्वविद्यालयसँग आवद्ध विभिन्न कलेजहरुले विद्यार्थीहरुलाई निःशुल्क परामर्श दिनेछन् ।

बिबिए, एमबिए, बिआईटी, बिआईएम, बिएचएम, बिटिटिएम, बिबिएम, बिएचसिम , बिएएसडब्लु, बिबिएस, बिएस्सी, सिएसआईटी, बि डेब्स, एसिसिए लगायत कोर्ष पढ्न चाहाने बिद्यार्थी मेलाबाट लाभान्वित हुने आयोजकले बताएको छ । मेलामार्फत नेपालमै अन्तर्राष्ट्रिय स्तरको शिक्षाका लागि विद्यार्थीहरुले निःशुल्क परामर्श लिन सक्नेछन् । मेलामा ४० भन्दा बढी कलेजहरु सहभागि हुने जनाइएको छ ।