काठमाडौँ । यो साता देशभर न्यूनतम तापक्रम घट्ने भएको छ । पश्चिमी वायुको प्रभावका कारण देशभर तापक्रम घट्ने भएको हो ।

यस्तै, मौसम विज्ञान विभागका अनुसार देशको धेरै स्थानमा आंशिकदेखि सामान्य बदली रही अधिकांश भू–भागमा अधिकतम तथा न्यूनतम तापक्रममा गिरावट आउने भएको हो ।

साताको मध्य तथा अन्त्यमा सामान्यदेखि पूर्णतया बदली रही केही स्थानमा हल्कादेखि मध्यम वर्षा, थोरै स्थानमा मेघगर्जन चट्याङसहित वर्षा र एक–दुई स्थानमा असिनासमेत सम्भावना रहेको छ ।

देशको तराईका भागमा साताको मध्य तथा अन्त्यतिर सामान्यदेखि पूर्णातया बदली रही साताको मध्यमा थोरै स्थानमा हल्का वर्षा र साताको अन्त्यमा केही स्थानमा हल्कादेखि मध्यम वर्षाको सम्भावना रहेको विभागले जनाएको छ । विभागले सम्पूर्ण नागरिकहरूलाई चिसोबाट बच्न सर्तक हुन आग्रह गरेको छ ।