काठमाडौं । काठमाडौंमा जारी सहिद स्मारक ‘ए’ डिभिजन लिग फुटवलको आइतबार भएको खेलमा ब्रिगेड ब्वाइज क्लवमाथि संकटाले सहज जीत हात पारेको छ ।

त्रिपुरेश्वरस्थित दशरथ रंगशालामा आइतबार सम्पन्न पहिलो खेलमा संकटाले ब्रिगेड ब्वाइज क्लबमाथि ३–० को सहज जित हात पारेको हो ।

संकटाको जितमा उत्तम राईले १२ औं मिनेट तथा २८ औं मिनेटमा दुई गोल गरे भने लक्ष्मण रुचालले ३८ औं मिनेटमा एक गोल गरेका थिए ।

जितसँगै ६ खेलमा ११ अंक जोडेको संकटा तेस्रो स्थानमा उक्लिएको छ । ब्रिगेड ब्वाइज भने समान खेलमा पाँच अंकसहित १०औँ स्थानमा छ ।

जारी लिगमा मच्छिन्द्र शीर्ष स्थानमा रहेको छ भने मनाङ मस्र्याङदी दोस्रो स्थानमा रहेको छ ।