काठमाडौं । नेपालमा थप २१९ जनामा कोरोना भाइरसको संक्रमण पुष्टि भएको छ ।

पछिल्लो २४ घण्टामा ९ हजार ६७७ जनाको कोरोना परीक्षण गर्दा २१९ जना संक्रमित थपिएको स्वास्थ्य तथा जनसंख्या मन्त्रालयले जनाएको छ ।

७१८० जनाको पीसीआर परीक्षण र २४९७ जनाको एन्टिजेन परीक्षण गरिएको थियो ।

गएको २४ घण्टामा कोरोना संक्रमणबाट थप दुई जनाको मृत्यु भएको छ ।

यस्तै, सोही अवधिमा २८३ जना कोरोनामुक्त भएका छन् ।

यता, काठमाडौं उपत्यकामा मात्रै आइतबार १ सय १३ जना संक्रमित थपिएका छन् । जसअनुसार, भक्तपुरमा ८, ललितपुरमा २८ र काठमाडौं ७७ जना छन् ।