काठमाडौं । नेकपा (माओवादी केन्द्र)को आठौं महाधिवेशनमा अध्यक्ष पुष्पकमल दाहाल (प्रचण्ड) को राजनीतिक दस्तावेज र स्थायी समिति सदस्य देव गुरुङले पेश गरेको विधान संशोधन प्रस्ताव माथी समुहगत छलफल जारी छ । २५ वटा समुह बनाएर माओवादी केन्द्रले अध्यक्ष प्रचण्डको दस्तावेजमाथी महाधिवेशन प्रतिनिधीहरुले छलफल गरिरहेका छन् ।

माओवादी महाधिवेशनमा करिव १७ सय प्रतिनिधीहरु सहभागी छन् । मंगलवार सम्म समुहगत छलफलका लागि समय दिएपनि दिउँसो बसेको स्थायी कमिटि बैठकले बुधबार मध्यान्ह १२ वजेसम्म समुह छलफलका लागि थप समय निर्धारण गरेको छ । अव समुहगत छलफल भोलि वुधबार मध्इान्ह १२ बजेसम्म हुनेछ । त्यसपछि दिँउसो १ वजेवाट प्रज्ञा भवन स्थित महाधिवेशन हलमा समुहका तर्फबाट टिम लिडरहरुले सुझाव राख्न थाल्नेछन् । सुझाव राख्नका लागि प्रत्येक समुहलाई १५ मिनेटको समय निर्धारण गरिएको छ ।

समुहगत छलफलका लागि प्रज्ञा भवन देखि पार्टी केन्द्रीय कार्यालय पेरिसडाडासम्म र विभिन्न् पार्टी प्यालेसहरुसम्ममा समहुगत छलफल गराइएको छ । दिउँसो समुहगत छलफलका लागि केही स्थानमा भने अध्यक्ष प्रचण्ड समेत पुगेर निरिक्षण गरेका थिए ।

हेर्नुहोस मंगलवार विभिन्न स्थानमा भएको समुहगत छलफलका तस्विरहरु