काठमाडौं । नेकपा (माओवादी केन्द्र) को जारी बन्दसत्रमा रिपोटिङ राख्न शुरु गरेका समुह नेताहरुले अमेरिकी सहयोग नियोग मिलेनियम च्यालेन्ज कर्पाेरेसन (एमसीसी) अनुदान सम्झौता खारेज गनुपर्नेमा चर्काे आवाज उठेको छ ।

महाधिवेशनको चौथो दिन अध्यक्ष पुष्पकमल दाहाल (प्रचण्ड)को राजनीतिक प्रतिवेदनमाथि समुह नेताहरुले समुहमा उठेका सुझावहरुको निष्कर्ष सुनाउने क्रममा पहिलो समुह नेताका रुपमा सुझाव राख्न पुगेका नेता रामनारायण विडारीको मसुहले एमसीसी परिमार्जन होइन, खारेज नै गर्नुपर्ने सुझाव राखेको हो ।

सल्लाहकारको ‘ख’को टोली नेता बिडारीले एमसीसीको विरोध मात्रै गरेनन, पार्टीको नीति नो एमसीसी हुनुपर्ने नै बताए ।

प्रचण्डको प्रतिवेदनको प्रसंशा गरेका उनले एमसीसी संशोधन गरेर पारित गर्नपर्ने प्रचण्डको प्रतिवेदनमा उल्लेख भएको भएपनि एमसीसी पारित गर्नै नहुने बताएका थिए । उनले भने, ‘पार्टीको नीति नो एमसीसी हुनुपर्छ ।’