काठमाडौँ । हाल नेपालमा पश्चिमी न्यून चापीय प्रणाली र भारतको बिहार आसपासका न्यून चापीय क्षेत्रको प्रभाव रहेको छ । मौसम पूर्वानुमान महाशाखाका अनुसार आज देशमा आंशिकदेखि सामान्य बदली रही केही स्थानमा वर्षा भइरहेको छ ।

यस्तै, उच्च पहाडी तथा हिमाली भागका केही स्थानमा हल्का हिमपात भइरहेको छ । वर्षा र हिमपातको सम्भावना रहेका कारण चिसोबाट बच्न आवश्यक सतर्कता अपनाउन महाशाखाले आग्रह गरेको छ ।

बिहीबार देशभर आंशिकदेखि सामान्य बदली रही पहाडी भागको थोरै स्थानमा हल्का वर्षा र उच्च पहाडी तथा हिमाली भागका केही स्थानमा हल्कादेखि मध्यम हिमपातको सम्भावना रहेको महाशाखाले जनाएको छ ।