सुर्खेत । जाजरकोट भेरी नगरपालिकाका निमित्त कार्यकारी प्रमुख प्रशासकीय अधिकृत दलबहादुर घर्ती जुवाखालबाट समातिएका छन् ।

निमित्त प्रशासकीय अधिकृत घर्तीसहित नेपाली कांग्रेस भेरी नगरपालिकाका सभापति शशी बुढा पनि पक्राउ परेको प्रहरीले जनाएको छ ।

सदरमुकामस्थित गैराखालीको एक घरबाट उनीहरुलाई प्रहरीले शनिवार विहान पक्राउ गरेको हो । उनीहरुसँगै जुवाखालबाट दुई लाख रुपैयाँ बरामद भएको र अनलाइनबाट अन्य कारोबार भएको पाइएको प्रहरीले बताएको छ ।