काठमाडौं । स्पेनीस ला लिगा फुटवलको गएराती भएको खेलमा बार्सिलोनाले रियल मार्लोकामाथि १–० कठिन जित निकालेको छ ।

मार्लोकाको घरेलु मैदानमा गएराति भएको खेलमा लुक डे जोङले निर्णायक गोल गरेका थिए । खेलको ४४ औं मिनेटमा डी जोङले गोल गरेका थिए ।

जितपछि बार्सिलोना शीर्ष चार स्थानबाट एक अंकको दूरीमा रहन सफल भएको छ । बार्सिलोनाको १९ खेलबाट ३१ अंक जोडेको छ भने चौथो स्थानमा रहेको एथलेटिको म्याड्रिडको समान खेलबाट ३२ अंक छ ।

तेस्रो स्थानमा रहेको रियल बेटिसको ३३ अंक हुँदा दोस्रो स्थानमा रहेको सेभिल्लाको ३८ र शीर्ष स्थानमा रहेको रियल म्याड्रिडको २० खेलबाट ४६ अंक छ ।

गएरातीकै खेलमा रियल मड्रिड गटाफेसँग १–० ले पराजित भएको थियो भने बार्सिलोनाले मार्लोकामाथि १–० को कठिन जित हात पारेको छ । इनेस युनालले खेलको नवौं मिनेटमा गोल गर्दै गटाफेलाई जित दिलाएका थिए ।