आज वि.सं. २०७८ साल पौष महिनाको २० गते मंगलबार, पौष शुक्लपक्षको द्वितीया तिथि ।

मेष
उदासिनता बढ्न जाने हुँदा जीवनप्रति सकारात्मक भन्दा नकारात्मक धारणाले पेल्ने छ । मनमा निराशाले अत्याधिक गाँज्ने छ । आत्माबल बलियो हुने र भाग्यको साथ रहेकाले साह्रै डराई हाल्नु पर्ने अवस्था भने छैन् । पेशागत क्षेत्र औसत खालको रहने छ । किराना पसल, दैनिक उपभोग्य सामानको कारोवार, आयात निर्यात, आइसक्रिम, पेय पदार्थको कारोवारमा रहेकाहरुलाई फाइदा मिल्ने छ । बोलीमा कडापन हुने भएकाले बोल्दा संयमित रहनु होला । दाम्पत्य जीवनमा द्वन्द चर्किने छ ।

वृष
मेहनत र पराक्रमी स्वाभाव हुने छ । प्रभावशाली बोली हुने छ । पेशागत जीवनबाट आर्थिक लाभ मिल्ने छ । पानीजन्य कारोवार, आयात निर्यात, औषधीको कारोवारमा संलग्नहरुलाई फाइदा मिल्ने छ । महिलाको परिवारमा पुरुष तथा पुरुषको परिवारमा महिला तपाईबाट अलि पीडित महशुस गर्ने भएकाले आफ्नो व्यवहारप्रति आफैले समीक्षा गरि सहज बन्ने प्रयास गर्नु होला । भाग्यको साथ रहेकाले सुखको अनुभूति हुने छ ।

मिथुन
समय प्रतिकुल रहेकाले संयमित रहनु होला । पेशागत क्षेत्रमा उतारचढावको अवस्था आउने छ । रोजगारी तथा पेशा व्यवसायमा गम्भीरखाले समस्या पैदा हुने छन् । रोजगारी गुम्नेसम्मको अवस्था आउने भएकाले सतर्कतासाथ अघि बढ्नु होला । पेट, ग्याष्ट्रिक सम्बन्धि समस्याले च्याप्ने छ । भुत प्रेत तथा मानसिक रुपमा दबाद सृजना हुने छ । मनमा दोहोरो विचारले गर्दा निर्णय क्षमतामा गिरावट आउने छ । जीवनसाथिको साथले गर्दा अवस्था नियन्त्रित हुनेछ । मनोबलको कमि हुन जाने छ ।

कर्कट
कडा खाले ब्यक्तित्व हुने छ । रिस धेरै उठ्ने भएकाले रिस नियन्त्रणमा ध्यान दिँदा उपयुक्त हुने छ । पेशागत क्षेत्रमा धेरै जोखिम नलिँदा उपयुक्त हुने छ । सार्वजनिक सवारीसाधन, उद्योग कलकारखाना, श्रम क्षेत्र, हार्डवेयरको ब्यापार, छालाजन्य कारोवारको ब्यवसायमा संलग्नहरुलाई प्रतिकुल हुने छ । छोटो यात्रामा निस्कनु पर्ने छ । जीवनसाथिको साथ तथा सल्लाहमा काम गरेमा फाइदा मिल्ने छ । परिवारका सदस्यहरुको साथ रहनाले कठिनाईको क्षणमा सँहालिन सहयोग मिल्ने छ ।

सिंह
परिवारका सदस्यहरुको साथले गर्दा विपरित परिस्थितिमा पनि ढाडस मिल्ने भएकाले परिवारको साथ लिएर अघि बढ्दा उपयुक्त हुने छ । पेशागत जीवनमा अनावश्यक विषयको उल्झनमा फसाइ दिने छ । जसले गर्दा तनावको सामना गर्नु पर्ने छ । आम्दानीमा भने खास असर पर्ने छैन् । अध्ययन अध्यापनमा हल्का प्रगति उन्मुख हुने छ । समय अलि नकारात्मक तर्फ ढल्केकाले संयमित भएर नै पाइला चाल्नु पर्ने समय छ ।

कन्या
भाग्यका बलियो साथका कारण लिएका लक्ष्य पुरा हुने तर्फ आधार तयार हुने छ । पेशागत जीवनमा पनि सन्तोषजनक अवस्था छ । आफ्नो कामको अफिसियल रुपमा कदर हुने छ । समय सकारात्मक रहेको छ । आम्दानीमा पनि केही बृद्धि नै हुन जाने छ । प्रतिष्पर्धी स्वाभाव बलियो हुने भएकाले शत्रु नाश हुने छन् । बिरोधीहरुले पेल्न सक्ने छैनन् ।

तुला
जीवनलाई उत्साहपूर्ण तरीकाले भन्दा अलि निराशाजनक तबरको दृष्टिकोणले सताउने छ । निराशाजनक भावले सताउने छ । पेशागत जीवनमा शान्त रहनु नै उपयुक्त हुने छ । मानसिक रुपमा दबाबपूर्ण चिन्तन आउने भएकाले धार्मिक आध्यात्मिक विषयमा संलग्न हुँदा उपयुक्त हुने छ । बोलीमा भने मधुरता आउने छ । परिवारिक सम्पत्ति वा पूर्व सञ्चित धनले मनमा केही ढाडस दिने छ । शारीरिक थकान र मनोबलको कमि हुने भएकाले शारीरिक अभ्यासमा ध्यान दिनु होला ।

वृश्चिक
आम्दानीका विषयमा चिन्ता उत्पन्न हुन जाने छ । कार्यालयमा आफ्नो बोससँगको सम्बन्धमा कटुता आउने भएकाले उच्च सतर्कतासहित काम गर्नु होला । भाग्यको साथ नरहेकाले काममा बिलम्ब हुने छ । आफू भन्दा निम्न दर्जामा कार्यरत कर्मचारी वा स्टाफको साथले केही रात प्रदान गर्ने छ ।समय सतर्कतासहित पाइला चाल्नु पर्ने भएकाले सोही अनुसार संयमित रहनु होला । परिवारमा कलह मच्चिने छ ।

धनु
प्रतिष्पर्धात्मक स्वाभावमा बृद्धि हुने भएकाले कठिनाईमा पनि नहडबडिने पना कायम रहने छ । रिस नियन्त्रणमा ध्यान दिनु होला । पेशागत क्षेत्र अनुकुल बन्ने छ । शुरो खालको ब्यक्तित्व हुने छ । कसैसँग पनि डर नमान्ने स्वाभावमा बृद्धि हुने छ तर अलि बढि घमण्डि जस्तो देखिने भएकाले यसबारेमा विचार गर्नु होला । अनुसन्धान, औषधिको कारोवार, परामर्शदाता, कुटनीतिक क्षेत्र आदीमा संलग्नहरुलाई फाईदा मिल्ने समय जागृत छ ।

मकर
परिवारमा मिलन हुने छ । पेशा तथा ब्यापार विजनेशमा धेरै जोखिम मोल्ने बेला छैन् । साझेदारीका कामहरुमा पनि कटुतापूर्ण तनाव आउने भएकाले यसबारेमा धैर्यता अपनाउनु होला । प्रतिष्पर्धात्मक स्वाभावले गर्दा प्रतिकुलतासँग पनि जुध्न सक्ने शक्ति प्राप्त हुने छ । सितल खालको ब्यक्तित्व बन्ने हुँदा अरुले पनि नरम महशुस गर्ने छन् । तर मन बढि चञ्चल हुने भएकाले अस्थिरता उत्पन्न हुने छ ।

कुम्भ
मनमा सन्तोष हुने छैन् । ब्यक्तित्वमा गिरावट आउने छ भने आफुले बुझेका विषयमा अन्योलता आउने छ । जीवनसाथिको साथ लिएर काम गरेमा वा सल्लाह लिएर काम गरेमा कार्य सम्पादनमा ठुलो मद्दत पुग्ने छ । सन्तानले साथ दिने छन् । अनावश्यक क्षेत्रमा पराक्रमी र मेहनत गर्न मन लाग्ने बनाई दिने समय सक्रिय रहेकाले विचार गरेर मात्र काम थाल्नु होला । ब्यापारमा रहेकाहरुलाई समय अलि प्रतिकुल छ भने रोजगारीमा रहेकाहरुलाई समय औसत रहने छ ।

मीन
भाग्यको साथ रहेकाले भित्रि बुद्धिमा सक्रियता बढ्न पुग्दा चलाखीपूर्ण तरीकाले कार्यसम्पदान हुन पुग्ने छन् । पेशागत जीवनबाट सन्तोष प्राप्त हुने छ । पेशागत जीवनमा प्रगति हुने छ । अरुलाई सहयोग गरौँ गरौँ लाग्ने छ । अस्पतालजन्य सामानको आपूर्ति, औषधीको कारोवार, स्वास्थ्य क्षेत्रको ब्यापार, अस्पताल संचालनहरुलाई फाईदा मिल्ने छ । साझेदारीमा गरिएका कामहरुले प्रतिफल दिने छन् । पैसाको सरसापट गर्दा विचार पु¥याउनु होला ।

(गुरु पन्त– ज्योतिषी, वास्तुविद्, रत्नविद् एवं हस्तरेखाविद् हुन् सम्पर्क– ९८१३६३७२३८)