काठमाडौँ । साढे ३३ किलो सुन तस्करी प्रकरणका प्रमुख अभियुक्त चुडामणि शर्मा ‘गोरे’का भाइ रमेश उप्रेती धरौटीमा छुटेका छन् । उनी आज दुई लाख रुपैयाँ धरौटीमा छुटेका हुन् ।

जिल्ला अदालत मोरङका न्यायाधीश भरत लम्सालको इजलासले बिहीबार उनलाई दुई लाख धरौटीमा छाड्न आदेश दिएका हुन् ।

थुनछेक बहसपछि लम्सालको इजलासले दुई लाख धरौटीमा छाड्ने आदेश दिएको मोरङ अदालतले जनाएको छ । युएईमा बस्दै आएका उनी मंगलबार नेपाल आउने क्रममा त्रिभुवन अन्तर्राष्ट्रिय विमानस्थलबाट पक्राउ परेका थिए ।

अदालतले सुन तस्करी प्रकरणसँगै जोडिएका सनम शाक्य हत्याको मुद्दामा आठ जनालाई दोषी ठहर गरेको थियो ।