काठमाडौं । स्वास्थ्य तथा जनसंख्या मन्त्रालयले सबै अस्पताललाई तयारी अवस्थामा रहन निर्देशन दिएको छ ।

मन्त्रालयकी प्रवक्ता डा.संगीता मिश्रले ओमिक्रोन भेरियन्टले अस्पतालमा हुनसक्ने अत्याधिक चापलाई मध्येजनर गर्दै अस्पतालहरुलाई तयारी अवस्थामा रहन निर्देशन दिएको जानकारी दिइन् ।

उनका अनुसार बिरामीलाई आवश्यक पर्ने अक्सिजनलगायत स्वास्थ् सामाग्रीहरुको व्यवस्थापन गर्न र स्वास्थ्यकर्मीहरुलाई पनि तयारी अवस्थामा रहन भनिएको छ ।

नेपालमा थप २४ जनालाई ओमिक्रोन भेरियन्ट देखिएको छ ।

उनले भनिन्,‘सिमानाकामा कोरोना परीक्षणलाई थप सशक्त बनाउने तथा पोजेटिभ आएका केसहरुलाई आइसोलेसनमा राख्ने व्यवस्था मिलाइएको छ ।’

उनका अनुसार नेपालमा एस जीन सिक्वेन्सिङ वीर अस्पताल, वीरेन्द्र सैनिक अस्पताल, त्रिवि शिक्षण अस्पताल, निजामती कर्मचारी अस्पताल, प्रदेश २ को प्रदेश जनस्वास्थ्य प्रयोगशाला र भेरी अस्पतालबाट भइरहेको छ ।

ओमिक्रोन संक्रमण अत्याधिक मात्रामा बढ्नसक्ने सम्भावना देखिएको हुँदा सबैले स्वास्थ्यका मापदण्ड पालना गरिदन समेत उनले आग्रह गरिन् ।