काठमाडौं । कृषि तथा पशुपन्छी विकास मन्त्रालयले हालै (एफएमडी) खोरेत रोगको खोप खरिदका लागि आह्रवान गरेको टेन्डर प्रक्रिया रद्द गर्ने भएको छ ।

नेपाल पशुधन क्षेत्र नवप्रवर्तन परियोजनाका डा. केशब भट्टले शुक्रवार नै प्रक्रिया रद्द गर्ने गरी तयारी अन्तिम चरणमा पुगेको बताए ।

उनका अनुसार मन्त्रालयले टेन्डर आह्रवान गरेपछि दुई कम्पनीले टेन्डर हालेको र टेन्डर हालेका कम्पनीले पनि तोकिएको मुल्य भन्दा बढीमा हालेपछि बोल पत्र आवहान तत्काललाई रद्द गर्ने निर्णयमा मन्त्रालय पुगेको हो ।

मन्त्रालयले आवश्यकता अनुसार अब पुनः नयाँ प्रक्रियामा जाने गरी तयारी गर्ने पनि भट्टले जानकारी दिए । यो खोप जुनसुकै देशका कम्पनीहरुले पनि खरिद गर्न टेन्डर हाल्न पाउने गरी खुलाइएको थियो । सरकारले नेपालमा २०३० सम्ममा खोरेत उन्मुलन गर्ने लक्ष्य राखेको छ ।
खोप आयातकर्ता कम्पनीहरुले सरकारले महँगो मूल्यमा खरिद गर्न लागेको भन्दै बिरोध गरेका थिए ।