काठमाडौं । देशभर कोरोना संक्रमितको संख्या बढिरहँदा काठमाडौँ उपत्यकामा कोरोना संक्रमण ह्वात्तै बढेको छ । काठमाडौंमा कुल संक्रमितको ५० प्रतिशत संक्रमित बढेका हुन् ।

पछिल्लो २४ घण्टामा उपत्यकामा मात्रै १२ सय ८६ जना संक्रमित थपिएका छन् । संक्रमितमध्ये काठमाडौँमा ९८० जना, ललितपुरमा २२१ जना तथा भक्तपुरमा ८५ जना रहेका छन् । यो सङ्ख्या कूल सङ्क्रमितको ५० प्रतिशतभन्दा बढी हो ।

पछिल्लो २४ घण्टामा देशभर थप २ हजार ४४४ जनामा कोरोनाभाइरसको संक्रमण पुष्टि भएको छ । योसँगै देशभर सक्रिय संक्रमितको संख्या ९ हजार ५२२ पुगेको छ ।