काठमाडौं । निर्वाचन आयोगले स्थानीय तहको निर्वाचन तोक्नका लागि सर्वदलीय बैठक आह्वान गरेको छ ।

शुक्रबारको बैठकमा संसदमा प्रतिनिधित्व गर्ने विभिन्न १६ दललाई बोलाइएको छ ।

शुक्रबार दलहरूसँग परामर्श गर्न बैठक आह्वान गरेको आयोगका प्रमुख आयुक्त दिनेश थपलीयाले जानकारी दिए ।

आयोगले आगामी माघ १२ गते हुने राष्ट्रियसभा निर्वाचन, हाल जारी रहेको मतदाता नामावली संकलन र स्थानीय तहकोनिर्वाचनबारेमा छलफल गर्न खोजेको हो ।

आयोगका पदाधिकारीले गत ९ पुसमा प्रधानमन्त्री शेरबहादुर देउवालाई भेटेर वैशाख १४ र वैशाख २२ गते स्थानीय चुनाव गर्न प्रस्ताव गरेका थिए ।

२०७४ को स्थानीय चुनावबाट निर्वाजित जनप्रतिनिधिहरुको कार्यकाल आगामी जेठमा सकिदैछ ।