काठमाडौं । नेपालमा आज आइतबार झण्डै पाँच हजार कोरोना संक्रमति थपिएका छन् ।

१२ हजार ५६२ पीसीआर परीक्षणमा ४ हजार ५३४ र २ हजार ५६९ परीक्षणमा ४२७ जना गरी आज ४ हजार ९ सय ६१ जना कोरोना संक्रमित थपिएको स्वास्थ्य मन्त्रालयले जनाएको छ ।

मन्त्रालयका अनुसार आज कुल परीक्षणको ३६ दशमलव १ प्रतिशतमा संक्रमण पुष्टि भएको हो ।

यस्तै, आइतबार थप तीन जनाको मृत्यु भएको छ । सोही अवधिमा ४३५ जना कोरोनामुक्त भएका छन् ।

देशभर २५ हजार ६८० सक्रिय संक्रमित रहेकामध्ये होम आइसोलेनमा २४ हजार ५ सय ८४ र संस्थागत आइसोलेसनमा १ हजार ९६जना रहेको मन्त्रालयको पछिल्लो अध्यावधिक विवरणमा उल्लेख छ ।

यसैबीच, काठमाडौं उपत्यकामा मात्रै आइतबार ३ हजार ३४७ जनामा संक्रमण पुष्टि भएको छ ।