काठमाडौँ । हाल देशमा पश्चिमी वायुको प्रभाव रहेको छ । सोही कारणले देशभर आंशिकदेखि सामान्य बदली भई बाग्मती र प्रदेश १ का केही स्थानहरुमा हल्का वर्षा हिमपात भइरहेको छ ।

मौसम पूर्वानुमान महाशाखाका अनुसार आज देशका पहाडी भागमा आंशिकदेखि सामान्यतया बदली रही तराईका भागमा आंशिक बदली रहने छ । यस्तै, देशको पहाडी भागका थोरै स्थानमा हल्का वर्षाको सम्भावना रहेको छ । देशका उच्च पहाडी तथा हिमाली भागमा भने हल्का हिमपात हुने भएको छ ।

महाशाखाले देशभर चिसो अझै बढ्ने क्रममा रहेकाले चिसोबाट बच्न र त्यसको प्रभावबाट जोगिन सबैमा आग्रह गरेको छ ।