काठमाडौं । नेपालमा शनिवार पनि १० हजार बढी कोरोना संक्रमित थपिएका छन् ।

पछिल्लो २४ घण्टामा २० हजार १८७ जनाको परीक्षण गर्दा १० हजार २५४ जना कोरोना संक्रमित थपिएको स्वास्थ्य तथा जनसंख्या मन्त्रालयले जनाएको छ । परीक्षण गरिएको ५० प्रतिशत बढीलाई कोरोना देखिएको छ ।

मन्त्रालयका अनुसार शनिबार पीसीआर परीक्षणबाट ८ हजार २१२ र एन्टिजेन परीक्षणबाट २ हजार ४२ जनामा कोरोना संक्रमण पुष्टि भएको हो ।

नेपालमा हाल ७२ हजार ८ सय ७६२ जना कोरोनाका सक्रिय संक्रमित रहेका छन् ।

पछिल्लो २४ घन्टामा कोरोना संक्रमणबाट १६ जनाको मृत्यु भएको मन्त्रालयले पुष्टी गरेको छ । योसहित कोरोनाबाट मृत्यु हुनेको संख्या ११ हजार ६ सय ५१ पुगेको छ ।

पछिल्लो २४ घण्टाको अवधिमा भने ७०८ जना मात्रै कोरोनामुक्त भएका छन् ।

यसैबीच, काठमाडौं उपत्यकामा शनिवार ५ हजार ३०६ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार काठमाडौंमा ३७६२, भक्तपुरमा ४३४ र ललितपुरमा १११० संक्रमित थपिएका हुन् ।