काठमाडौं । नेपालमा कोरोना संक्रमण दर अहिलेसम्मकै उच्च बिन्दुमा देखिएको छ । कोरोनाको तेस्रो लहर सुरु भएयताकै उच्च बिन्दुमा सक्रमण देखिएको हो ।

पछिल्लो २४ घण्टामा गरिएको परीक्षणमा पीसीआर विधिबाट गरिने परीक्षणमा सङ्क्रमण दर ५६.८ प्रतिशत पुगेको स्वास्थ्य तथा जनसंख्या मन्त्रालयको तथ्याङ्कले देखाएको छ ।

कोरोनाको तेस्रो लहर सुरु भए यताकै यो सबैभन्दा उच्च सङ्क्रमण दर हो । शुक्रबार पीसीआर विधिबाट सङ्क्रमण दर ४६.३ प्रतिशत थियो ।

पछिल्लो २४ घण्टामा २० हजार १८७ जनाको कोरोना परीक्षण गर्दा १० हजार २५४ जनामा संक्रमण देखिएको छ ।

२० हजार १८७ जनाको कोरोना परीक्षण गर्दा शनिवार पीसीआर विधिबाट ८ हजार २१२ तथा एन्टिजेन विधिबाट २ हजार ४२ जनामा सङ्क्रमण पुष्टि भएको छ ।