काठमाडौं । महालक्ष्मी विकास बैंक लिमिटेडले काठमाडौं महानगरपालिका ६ तिनचुलीस्थित आरुबारी सडक खण्डमा वृक्षारोपण कार्यक्रम सम्पन्न गरेको छ ।

बैंकको “एक शाखा, एक सामाजिक उत्तरदायित्व कार्यक्रम” अन्तर्गत आरुबारी सडक खण्डमा वृक्षारोपण कार्यक्रम सम्पन्न गरेको हो ।

महालक्ष्मी विकास बैंककोे तिनचुली शाखाले स्पोर्ट स्पेशल क्लवको आयोजनामा वृक्षारोपण कार्यक्रम सम्पन्न गरेको जनाएको छ ।

वृक्षारोपण कार्यक्रममा गोकर्णेश्वर नगरपालिका वडा नं ९ का वडा अध्यक्ष राजिव थापा, महालक्षी बैंकका तिनचुली शाखाका शाखा प्रवन्धक शेखर श्रेष्ठ लगायतको उपस्थिति रहेको थियो ।

महालक्ष्मी विकास बैंकले प्रदेश नं १ मा ५, प्रदेश नं २ मा १५, बाग्मती प्रदेशमा ३७, गण्डकी प्रदेशमा ९, लुम्बिनी प्रदेशमा १८, कर्णली प्रदेशमा २ र सुदुरपश्चिम प्रदेशमा १७ वटा गरी कुल १०३ वटा शाखाहरु मार्फत वित्तीय सेवा प्रदान गर्दै आएको छ ।