काठमाडौं । द ब्रिटिस कलेज (टीबीसी)ले शैक्षिक सत्र २०२१/२२ को लागि दुई विद्यार्थीलाई ओएचसीटी छात्रवृत्ति प्रदान गरेको छ ।

कलेजले पहिलोपटक विद्यार्थीहरुलाई ओएचसीटी छात्रवृत्ति प्रदान गरेको हो ।

ब्याचलर अफ बिजनेस एडमिनिस्ट्रेशन (बीबीए)मा अध्ययनरत सिन्धुपाल्चोकका दावा ल्यामु तामाङ र बीएससी (हन्स) कम्प्युटिङमा अध्ययनरत सिन्धुलीकी रोशना ढकालले ओएचसीटी छात्रवृत्ति पाएका छन् ।

छात्रवृत्तिबाट सम्मानित भएसँगै दुबै विद्यार्थीहरुले पठनपाठनका लागि हुने सम्पूर्ण खर्च प्राप्त गर्नेछन् । त्यसमा सम्पूर्ण चार वर्षको शिक्षण शुल्क, सबै परीक्षा र विश्वविद्यालय रजिष्ट्रेशन दर्ता शुल्क समावेश हुने कलेजले जनाएको छ ।