काठमाडौं । नेपाली राष्ट्रिय फुटबल टिमले मौरिससविरुद्ध भएको दोस्रो मैत्रीपूर्ण खेलमा पनि जित हात पारेको छ ।

मंगलबार भएको दोस्रो मैत्रीपूर्ण खेलमा नेपालले मौरिससलाई १–० ले पराजित गरेको हो । नेपालका लागि सुजल श्रेष्ठले खेलको १० औं मिनेटमा गोल गरेका थिए ।

आशिष लामाले प्रहार गरेको बललाई पुजन उपरकोटीले प्रहार गरेका थिए । पुजनले प्रहार गरेको बल सुजनले जाली छिराएका थिए ।

खेलको १३ औं मिनेटमा मौसिससले पाएको पेनाल्टी किपर किरण चेम्जोङले रोकिदिए ।
खेलको १३ औं मिनेटमा मौरिससका कप्तान एन्डी सोफीले पेनाल्टीमा गोल प्रहार गरेका थिए ।

नेपालका दिनेश राजवंशीले लिन्स्ले बर्सीलाई पेनाल्टी क्षेत्रभित्र लडाएपछि मौरिससले पेनाल्टी पाएको थियो ।

दोस्रो हाफको खेल भने निकै तनावपूर्ण रह्यो । मंगलबारको खेलमा नेपाली टोली १० खेलाडीमा सिमित भएको थियो भने मौरिससका दुई खेलाडी रातो कार्ड पाएर मैदान बाहिरिएका थिए ।

एक अर्काविरुद्ध घम्साघम्सीमा उत्रिएपछि मरिससका एड्रियन बोटलरले दुई पहेलो कार्डसहित रातो कार्ड पाए भने नेपालका पुजन उपरकोटीलाई पनि रातो कार्ड पाए ।

७८ औं मिनेटमा गौतम श्रेष्ठलाई फउल गरेर मौरिससका इम्यानुएलले रातो कार्ड पाएपछि मौरिसस नौ खेलाडीमा सीमित भएको थियो ।

दुई देशको मैत्रीपूर्ण खेलमा खेलाडीहरुमा भने मैत्रीभाव सून्य देखिएको थियो । दर्जन बढी फल खेलेका दुवै टिमका खेलाडीहरु नै आपस लड्न लागेपछि नेपालीको अफिसियल टिम मैदानमा छिरेर रोक्नु परेको थियो ।