काठमाडौं । नेकपा एमालेका पूर्व सांसद सिन्धुपाल्चोकका नेता सुवास कर्माचार्य नेकपा एकीकृत समाजवादीमा प्रवेश गरेका छन् ।

कर्माचार्य २०५६ सालमा नेकपा एमालेबाट प्रतिनिधिसभा सदस्यमा निर्वाचित भएका थिए । उनी ०५६ देखि २०६६ सालसम्म एमाले सिन्धुपाल्चोक जिल्ला सचिवसमेत थिए ।

एमालेमा रहँदा माधव नेपाल समूहका भनी चिनिएका उनी पार्टी विभाजनपछि भने केपी ओली नेतृत्वको एमालेमै रहेका थिए ।
बुधबार काठमाडौंमा आयोजित कार्यक्रममा एकीकृत समाजवादीका अध्यक्ष नेपालले पार्टी प्रवेश गराएका हुन् ।

पार्टी विभाजनपछि पार्टी नेतृत्व सच्चिने विश्वास गरे पनि सच्चिने सम्भावना नदेखेपछि आफू समाजवादीतिर लागेको कर्माचार्यले बताए ।