काठमाडौँ । सरकारले २९ जना शाखा अधिकृतलाई उपसचिवमा बढुवा गर्न सिफारिस गरेको छ । मंगलबार र बुधबार बसेको बैठकले उपसचिव बढुवा सिफारिस समितिले जेष्ठता र कार्यसम्पादन मूल्यांकनका आधारमा एक सय ४० जनाबाट २९ जनालाई बढुवा गर्न सिफारिस गरेको हो ।

सिफारिस भएकाहरूमा लेखा परीक्षण सेवाका १५ जना, नेपाल प्रशासन सेवाको लेखा समूहका ११ जना र नेपाल प्रशासन सेवाको राजस्व समूहमा तीन जना उपसचिवमा बढुवा हुने भएको हो ।