काठमाडाैँ । अमेरिकी मिलेनियम च्यालेञ्ज कर्पोरेशन (एमसीसी) परियाेजनाविरुद्धको ‘एमसीसी खारेजीका लागि संयुक्त संघर्ष समिति”को बैठक सम्पन्न भएको छ । समितिका संयोजक नारायण शर्माको अध्यक्षतामा बैठक सम्पन्न भएको हो ।

शुक्रबार बसेको बैठकले एमसीसी सम्झौता खारेजीको माग गर्दै विगत ८१ दिनदेखि आमरण अनसन बसेकी तारा बरालकाे जीवन रक्षा गर्न सरकारसँग माग गर्ने, प्रमुख प्रतिपक्षी एमालेलाई एमसीसीबारे संवेदनशील र जिम्मेवार बन्न अनुरोध, एमसीसी नेपाल र नेपालीलाई मात्र खतरा नभएर छिमेकी मित्र राष्ट्रहरूका लागि पनि घातक हुने भएकाले यसलाई खारेज गर्न माग गर्नेलगायतका निर्यण गरेको छ ।