काठमाडौँ । हाल देशमा पश्चिमी न्युन चापीय प्रणालीको प्रभाव रहेको छ । देशको पहाडी भागमा आंशिकदेखि सामान्य बदली रहेको छ । तराई केही स्थानमा हुसु र कुहिरो लागेको छ ।

मौसम पूर्वानुमान महाशाखाका अनुसार आज दिउँसो देशभर आंशिक बदलीदेखि मौसम सामान्यतया सफा रहने छ । यस्तै, राति प्रदेश १ र बागमती प्रदेशमा आंशिकदेखि सामान्य बदली रही देशका बाँकी भागमा मौसम आंशिक बदलीदेखि सामान्यतया सफा रहने छ ।

महाशाखाले चिसोबाट बच्न सबैमा आवश्यक सुरक्षा तथा सतर्कता अपनाउन आग्रह गरेको छ ।