काठमाडौँ । दक्षिण कोरियाली नेताले आफ्नो संस्कृति चोरेको भन्दै चीनमाथि आरोप लगाएका छन् । बेइजिङ हिउँदे ओलम्पिकको उद्घाटन समारोहमा एक जना चिनियाँ महिला कलाकारलले परम्परागत कोरियाली लुगा लगाएको भन्दै दक्षिण कोरियाले चीनमाथि संस्कृति चोरीको आरोप लगाएको हो ।

उद्घाटन समारोहको प्रस्तुतिमा एक चिनियाँ महिलाले लगाएको सेतो र प्याजी रंगको पोसाक (ह्यानबक) आफ्नो देशको परम्परागत संस्कृति भएको कोरियालीले दाबी गरेका छन् । पोसाक नक्कलप्रति दक्षिण कोरियाली नेताहरुले निन्दा गरेका छन् ।

दक्षिण कोरियाले चीनमाथि आफ्नो संस्कृति चोरेको आरोप लगाएको यो पहिलो घटना हो । यसअघि कोरियाले आफ्नो परम्परागत खाने कुरा किम्ची चोरेको चीनले आरोप लगाएको थियो ।