काठमाडौँ । भारतकी चर्चित गायिका लता मंगेशकरको निधन भएको छ । मुम्बईको ब्रीच क्याण्डी अस्पतालमा उनको निधन भएको हो ।

मंगेशकरलाई जनवरी ८ मा कोरोना र निमोनियाका कारण मुम्बईको ब्रीच क्यान्डी अस्पतालमा भर्ना गरिएको थियो । सोही अस्पतालमा आज उनको निधन भएको हो ।

उनको निधनमा भारतीय राष्ट्रपति रामनाथ कोविन्द, प्रधानमन्त्री नरेन्द्र मोदी, गृहमन्त्री अमित शाह, रक्षामन्त्री राजनाथ सिंहलगायत नेताहरूले शोक व्यक्त गरेका छन् ।

सन् १९२८ सेप्टेम्बर २८ मा जन्मिएकी उनले नेपाली गीतहरु समेत गाएकी छन् ।