काठमाडौं । सिटिजन्स बैंकले डिजिटल बैंकिङ्गको बढ्दो आवश्यकतालाई मध्यनजर गर्दै कल सेन्टर सञ्चालनमा ल्याएको छ ।

अब सिटिजन्स बैंकका ग्राहकहरुले बैंकका ग्राहक सेवा प्रतिनिधिहरुसँग सम्पर्क गरी आफ्ना बैंकिङ्ग सम्बन्धी जिज्ञासा टेलिफोनबाटै राख्न सक्ने जनाइएको छ ।

ग्राहकहरूले टेलिफोनका साथै इमेलबाट पनि कल सेन्टरको सुविधा लिन सक्ने बैंकले जनाएको छ ।

सिटिजन्स बैंकले नगद रहित बंैकिङ्ग, व्यक्ति उपस्थित बिनाको बैकिङ्ग, प्रणालीको स्वसञ्चालनतर्फ आफूलाई अग्रगामी बनाउदै लगेको प्रमुख कार्यकारी अधिकृत गणेशराज पोखरेलले बताए ।

कल सेन्टर सेवा हाल आठ घण्टाको लागि आरम्भ गरिएको र क्रमशस् सेवाको समयावधि पनि थप्दै लगिने योजना रहेको बैंकका नायव प्रमुख कार्यकारी अधिकृत पारसकुमार काफ्लेले बताए ।

सिटिजन्स बैंक इन्टरनेसनल लिमिटेडले देशैभरी फैलिएका आफ्ना १७४ वटा शाखा, १२३ वटा एटीएम र ९० वटा शाखारहित बैंकिङ्ग इकाईहरुबाट सेवा प्रदान गर्दै आएको छ ।