काठमाडौँ । नेपालमा थप १ हजार ५ सय ७० जनामा कोरोना भाइरस संक्रमण पुष्टी भएको छ ।

पछिल्लो २४ घण्टामा ७ हजार ८ सय ७४ जनामा पीसीआर परीक्षण गर्दा १ हजार २२ जनामा र ३ हजार ४ सय ९१ जनामा एन्टीजेन परिक्षण गर्दा ५ सय ४८ जनामा संक्रमण पुष्टी भएको स्वास्थ्य तथा जनसंख्या मन्त्रालयले जानकारी दिएको छ ।

कोरोना संक्रमणवाट पछिल्लो २४ घण्टामा १३ जनाको मृत्यु भएको छ । योसँगै कोरोना संक्रमणवाट मृत्यु हुनेको संख्या ११ हजार ८२७ जनाको मृत्यु भएको छ ।

नेपालमा कोरोना संक्रमणबाट मृत्यु हुने दर १.३ प्रतिशत रहेको मन्त्रालयले जनाएको छ ।

मन्त्रालयका अनुसार पछिल्लो २४ घण्टामा ६ हजार १४६ जनाले कोरोना जितेसँगै नेपालमा कोरोना जित्नेको संख्या ९ लाख १५ हजार ४८९ जना पुगेको छ । नेपालमा कोरोना निको हुने दर ९४.६ प्रतिशत रहेको मन्त्रालयले जनाएको छ ।