काठमाडौं । नेपालको मुख्य अनलाइन भुक्तानी सेवा प्रदायक कम्पनी ‘खल्ती डिजिटल वालेट’ ले बम्पर योजना अघि सारेको छ ।
अन्तर्गत फ्लाइट टिकट खरिदमा एक भाग्यशाली बिजेतालाई आइफोन १३ को बम्पर उपहार प्राप्त हुने कम्पनीले जनाएको छ ।

हरेक दिन एक जनालाई १ रुपैयाँमा फ्लाइट टिकट र ५ जनालाई साप्ताहिक एक लाख खल्ती पोइन्ट्स प्रदान गरिने जनाइएको छ ।

खल्ती प्रयोगकर्ताहरुले फ्लाइट टिकट बुकिङको लागि १२ सय रुपैयाँसम्मको उच्चतम क्यासब्याक प्राप्त गर्न सक्ने भएका छन् ।

माघ २३ गतेदेखि लागू गरिएको यो अफर फागुन ३० सम्म मान्य हुने जनाइएको छ ।

उक्त अफरमा सहभागी हुन प्रयोगकर्ताले आफ्नो खल्ती केवाइसी भने अनिवार्य भेरिफाई गराएको हुनुपर्नेछ । खल्ती अकाउन्ट नभएका नयाँ ग्राहकहरुले पनि खल्ती एप डाउनलोड गरी आफ्नो खल्ती केवाईसी भेरिफाइ गरिसकेपछि उक्त अफरमा सहभागी हुन सक्ने कम्पनीले जनाएको छ ।

‘खल्ती डिजिटल वालेट’ ले बिल भुक्तानी, मोबाइल र टिभी रिचार्ज, फ्लाईट तथा मुभी टिकट बुकिङ्ग, बिमा प्रिमियम तथा अनलाइन सपिङ्ग साइटमा भुक्तानी गरि ६० हजार भन्दा बढी सेवाहरुको डिजिटल भुक्तानी आदानप्रदानको दिँदै आएको छ ।