काठमाडौं । प्रमुख प्रतिपक्षी दल नेकपा एमालेले पार्टीको नियमावली संशोधन गरेको छ । नियमावलीमा केन्द्रीय विभागहरुको आकार बढाएको छ भने विभागका सचिव केन्द्रीय कमिटिले चयन गर्ने गरी संशोधन गरिएको छ ।

यस अगाडी विभाग प्रमुख पार्टीले चयन गर्ने र सचिव विभागले चयन गर्ने गरी नियमावलीमा ब्यवस्था थियो । तर अव देखि विभागको सचिव पनि केन्द्रीय कमिटिले नै चयन गर्ने गरी नियमावली संशोधन गरिएको हो ।

संसोधित नियमावली अनुसार अव देखि प्रत्येक विभागमा थप १० जना थपिनेछने । यसो गर्दा अव विभागमा ३५ जना सम्म सदस्य हुन पाउने ब्यवस्था नियमावलीमा गरिएको छ । यस अगाडी २५ जना एउटा विभागमा रहने गरी ब्यवस्था गरिएको थियो । एमालेको ३३ वटा पार्टीको विभाग छ ।

नियमावलीले पार्टी सदस्यता शुल्क मासिक १५ रुपैया कायम गरेको छ । पार्टी सदस्यहरुको लेबीको मासिक ५ रुपैया केन्द्रीय कमिटीमा बुझाउनु पर्ने व्यवस्था नियमावलीमा गरिएको छ ।

सांसद,मन्त्री,प्रधानमन्त्री तथा संघीय सरकारबाट राजनीतिक नियुक्ति लिने व्यक्तिको लेबी केन्द्रीय कमिटीले तोक्ने तथा अन्य जन प्रतिनिधि र नियुक्ति खाने व्यक्तिको लेबी सम्बन्धित कमिटीबाट तोक्ने व्यवस्था गरिएको छ ।

एमाले प्रचार विभाग उपप्रमुख विष्णु रिजालले पार्टीले आज ‘नेपाल कम्युनिष्ट पार्टी (एकीकृत माक्र्सवादी–लेनिनवादी) को नियमावली, २०५७ (चौथो संशोधन २०७८ सहित)’ र ‘नेपाल कम्युनिष्ट पार्टी (एमाले), जनसंगठन समन्वय सम्बन्धी निर्देशिका–२०७८’ जारी गरि लागू गरेको जानकारी दिएका छन् । 

हेर्नुहोस एमालेको संसोधित नियमावलीको पूर्ण पाठ