काठमाडौं । सत्तारुढ तीन दलका शीर्ष नेताबीच भेटवार्ता भएको छ ।

बिहीबार प्रधानमन्त्रीको सरकारी कार्यालय बालुवाटारमा शीर्ष नेताबीच प्रधानमन्त्री शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एकीकृत समाजवादीका अध्यक्ष माधव नेपालबीच छलफल भएको हो ।

प्रधानमन्त्रीका प्रेस प्रमुख गोविन्द परियारले आज विहान साढे १० देखि साढे ११ बजे करिब एक घण्टा छलफल भएको जानकारी दिए ।
उनले समसामयिक विषयमा नै छलफल भएको बताए ।

आजै बिहान ९ बजे कांग्रेस नेता शेखर कोइराला र प्रचण्डबीच पनि छलफल भएको थियो । कोइरालासँग भेटवार्तापछि माधव नेपालसहित प्रचण्ड बालुवाटार पुगेका थिए ।