काठमाडौँ । प्रमुख प्रतिपक्षी दल नेकपा एमालेले आगामी निर्वाचनलाई लक्षित गर्दै प्रशिक्षण कार्यक्रम सुरु गरेको छ । एक कार्यक्रममार्फत पार्टी अध्यक्ष केपी शर्मा ओलीले प्रशिक्षण कार्यक्रमको उद्घाटन गरेका थिए ।

एमालेले राखेको स्थानीय तह निर्वाचन केन्द्रीत प्रशिक्षण तथा अभिमुखिकरण कार्यक्रममा बोल्दै अध्यक्ष ओलीले आफूहरूको पहिलो काम निर्वाचनलाई निस्पक्ष र सही ढंगमा सम्पन्न गर्नमा जोड दिने बताए ।

‘मैले विश्वास लिएको छु, हामीले आगामी निर्वाचनको तयारी गरिरहेको अवस्थामा सरकारले देशको हितविपरीत कुनै पनि काम गर्न नपाउने गरी पनि हेर्नुपर्ने भएको छ,’ उनले भने ।