काठमाडौँ । सत्ता साझेदारी दलका शीर्ष नेताहरूबीच छलफल हुने भएको छ । प्रधानमन्त्री निवास बालुवाटारमा शनिबार छलफल राखिएको हो ।

छलफलमा प्रधानमन्त्री तथा नेपाली कांग्रेस सभापति शेरबहादुर देउवा, नेकपा माओवादी केन्द्रका अध्यक्ष पुष्प कमल दाहाल ‘प्रचण्ड’ र नेकपा एकीकृत समाजवादीका अध्यक्ष माधव नेपालबीच छलफल हुन लागेको हो ।

बैठकमा अमेरिकी सहयोग परियोजना मिलिनिय च्यालेञ्ज कर्पोरेशन (एमसीसी), स्थानीय चुनवालगायतका विषयमा छलफल हुने बताइएको छ । अमेरिकाले फेब्रुअरी अन्तिमभित्र एमसीसी पारित गर्न दबाब दिइरहेको छ । यसैबीच सत्तारुढ गठबन्धनमा मतभेद देखिएको छ ।

कांग्रेस एमसीसी पारित गर्ने पक्षमा रहेको छ भने माओवादी र एकीकृत समाजवादी संशोधनसहित पारित गर्नु पर्ने अडानमा रहेको छ । सरकारले अब बस्ने प्रतिनिधिसभा बैठकमा एमसीसी टेबल गर्ने तयारी गरिरहेको छ ।