काठमाडौँ । नेपाली कांग्रेसका नेता डा. रामशरण महतले अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी)बारे कांग्रेस सांसदहरूलाई ब्रिफिङ गरेका छन् । यस क्रममा उनले एमसीसीविरुद्धका भ्रम चिर्न आग्रह गरेका थिए ।

आज बिहान बसेको पार्टीको संसदीय दलको बैठकमा एमसीसीबारे ब्रिफिङ गर्दै कांग्रेस नेता महतले एमसीसी इन्डो प्यासेफिकअन्तर्गत नभई विशुद्ध विकास परियोजना भएको उल्लेख गरेका थिए ।

जनमानसमा एमसीसीबारे अनेक भ्रम परेको बताउँदै उनले भ्रमहरू चिर्न आवश्यक रहेको बताए । एमसीसीको पक्षमा आफ्नो भनाई राख्दै आएको उनी सांसद भने होइन ।

सरकारले भोलि बस्ने प्रतिनिधिसभाको बैठकमा एमसीसीको प्रस्ताव पेश गर्ने तयारी गरेको छ । तर सत्ता साझेदारी दलहरू नेकपा माओवादी र नेकपा एकीकृत समाजवादीले एमसीसीविरद्ध गर्दै आएको विरोध मौन अवस्थामा पुगेको छ ।