भारतीय प्रधानमन्त्री मोदी र इरानी राष्ट्रपति पेजेश्कियानबीच फाेन संवाद भएकाे छ । भारतीय प्रधानमन्त्री नरेन्द्र मोदीले सामाजिक सञ्जाल एक्स मार्फत इरानी राष्ट्रपति मसूद पेजेश्कियानसँग कुराकानी भएको जानकारी दिएका छन्।

कुराकानीका क्रममा प्रधानमन्त्री मोदीले मध्यपूर्व क्षेत्रका महत्त्वपूर्ण पूर्वाधारहरू माथि भइरहेका आक्रमणहरूको निन्दा गरे । साथै, उनले समुद्री व्यापारिक मार्गहरू खुला र सुरक्षित रहनुपर्ने महत्त्वलाई पुनः जोड दिएकाे एक्समा लेखेका छन् ।

“इरानमा रहेका भारतीय नागरिकहरूको सुरक्षा र संरक्षणका लागि इरानले गरिरहेको निरन्तर सहयोगको लागि धन्यवाद दिए। ,” मोदीले थप उल्लेख गरे।

माेदीले राष्ट्रपति पेजेश्कियानलाइ इद तथा नौरोजको शुभकामना व्यक्त गर्दै यो उत्सवको मौसमले पश्चिम एसियामा शान्ति, स्थिरता र समृद्धि ल्याउनेछ भन्ने आशा व्यक्त गरेकाे उल्लेख गरेका छन् ।