काठमाडौँ । बहुराष्ट्रिय कम्पनी कोका–कोलाको मःम उत्सवको सातौं संस्करण सुरु भएको छ ।

कोका–कोलाले ६ वर्षदेखि लगातार मःम उत्सव गर्दै आएको छ । हरेक वर्ष अंग्रेजी नयाँ वर्षमा मःम उत्सव गर्दै आएकोमा यो वर्ष भने फेब्रुअरी १४ अर्थात प्रणय दिवसबाट उत्सव सुरु गरेको हो । फेब्रुअरी १४ बाट सुरु भएको यो अभियान अप्रिल ५ सम्म हुने जनाइएको छ ।

यो उत्सवमा मःम र कोका–कोलालाई सेलेब्रेट गरिन्छ । यो क्याम्पेनको लागि कोका–कोलाले हजारभन्दा बढी रेस्टुरेन्ट अन्य खाजा घरहरुसँग सहकार्य गर्दै आफ्ना उपभोक्ताहरुलाई कम्बो अफर र विशेष छुट प्रदान गर्दै आएको छ ।

विश्वव्यापी रुपमा हामीले सन्चालन गरिरहेको कोक एन्ड मील्सको अवधारणालाई नेपालमा स्थानीयकरण गर्न ७ वर्षअघिदेखि कोका–कोला मोःमोत्सव गर्दै आएको सुरु गरेको कोका–कोला नेपालका कन्ट्री डिरेक्टर आदर्श अवस्थीले जानकारी दिए ।

यो अभियानमा कोक र मःम खाने उपभोक्ताहरुले स्वादको रियल म्याजिक पाउन सक्नेछन् ।

यो अभियानमा कोका–कोलाका ब्रान्ड एम्बेसडर तथा अभिनेत्री प्रियंका कार्की र स्वस्तिमा खड्का काठमाडौंका विभिन्न रेष्टुरेन्टहरूमा जाने कार्यक्रम रहेको अवस्थीले जानकारी दिए ।