काठमाडौं । सरकारले संसदमा एमसीसी प्रस्तव पेश गर्ने तयारी गरिरहेको भन्दै बानेश्वर क्षेत्रमा विभिन्न दलले विरोध प्रदर्शन गरिरहेका छन् । खासगरी सत्तारुढ दल नेकपा (माओवादी केन्द्र) र नेकपा एकीकृत समाजवादीका जनवर्गीय संगठनका नेता कार्यकर्ताहरु विहान ११ बजे देखि नै बानेश्वर क्षेत्रमा प्रर्दशनमा उत्रेका थिए ।

प्रर्दशनकारीलाई हौसल्ला बढाउन माओवादी केन्द्रका वरिष्ठ नेता नारायणकाजी श्रेष्ठ नै एमसीसी विरोधी आन्दोलनमा पुगेका थिए ।

नयाँ बानेश्वर क्षेत्रको निषेधित क्षेत्र समेत तोडेर प्रर्दशनकारीहरुले प्रर्दशन गर्न थालेपछि भने प्रहरीले बल प्रयोग गरेको थियो । बल प्रयोग गर्दा माओवादी सहायक संगठन वाइसीएलका संयोजक सुमन देवकोटा लगायत घाइते भएका छन् । माधव नेपाल निकटको विधर्थी संगठन अनेरास्ववियुका अध्यक्ष सुदेश पराजुलती पक्राउ परेका छन् ।

सोही क्रममा प्रहरी र प्रदर्शनकारीबीच झडप भएको छ । झडपमा प्रहरी र केही प्रदर्शनकारी सामान्य घाइते भएका छन् । प्रदर्शनकारीहरू निषेधित क्षेत्रमा प्रवेश गर्न खोजेपछि प्रहरीले पानीको फोहोर प्रयोग गरेको छ ।

यो दश्य हेर्दा नयाँ बानेश्वर क्षेत्र रणमैदान झै बनेको थियो ।