काठमाडौँ । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’बीच भेट वार्ता भएको छ । प्रधानमन्त्री निवास बालुवाटारमा दुई नेताबीच भेट वार्ता भएको हो ।

अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी)बारे निर्णय लिन आज दिउँसो बस्ने सत्तारुढ गठबन्धनको बैठकअघि दुई नेताबीच वार्ता भएको हो । आज दिउँसो सत्ता गठबन्ध दलहरूबीच छलफल हुने भएको हो ।

भेटमा दुई नेता आ–आफ्नो अडान कायम राखेकाले सहमति हुन सकेन । गठबन्धनको बैठक बस्नुअघि सहमति जुटाउन आज दिउँसो ३ बजे बस्ने भनिएको गठबन्धनको बैठक साँझ ५ बजे सारिएको छ ।

प्रधानमन्त्रीले जबरजस्ती एमसीसी संसदमा पेश गरे सरकारबाट बाहिरिने माओवादीले बताउँदै आएको छ ।