काठमाडौं । सत्ता गठबन्धन दलको बालुवाटार बैठक अगाडी सरकारमै रहेका अन्य तीन घटकका मुख्य नेताहरुको बैठक सिंहदरवारमा शुरु भएको छ । माओवादी केन्द्र, नेकपा एकीकृत समाजवादी र जनता समाजवादी पार्टीका नेता राजेन्द्र श्रेष्ठवीचमा भेटवार्ता जारी छ ।

छलफल माओवादी संसदीय दलको कार्यालयमा भईरहेको छ । जसपाका अध्यक्ष उपेन्द्र यादव सिराहमा रहेका कारण उनी बैठकमा सहभागी छैनन । उनको अनुपस्थितीमा जसपा नेता तथा सामान्य प्रशासन मन्त्री समेत रहेका राजेन्द्र श्रेष्ठ प्रचण्ड माधव नेपाल सहितको छलफलमा सहभागी हुन माओवादी दलको कार्यालयमा पुगेका हुन् ।
जसपामा संघीय परिषद् अध्यक्ष डा बाबुराम भटटराइृ एमसीसी पारित गर्नुपर्ने पक्षमा छन् ।

जसपामा भटटराई र यादव समुहका वीचमा अहिले विवाद छ । सोहीकारण पनि माओवादी र एकीकृत समाजवादीसँगको छलफलमा जसपाबाट मन्त्री श्रेष्ठ उपेन्द्र यादवको प्रतिनिधित्व गदै पुगेका हुन् ।

सत्ता गठबन्धनमै रहेको अर्को दल राष्टिय जनमोर्चा पहिले देखि नै एमसीसीको विरोधमा छ । ५ दलीय सत्ता गठबन्धनमा ४ दल मिलेर कांग्रेसलाई एक्लाउने र सकभर सहमति का लागि एमसीसी अहिले चुनाव पछाडी अनुमोदनका लागि लैजान दवाव बढाउने रणनीतिमा उनीहरु छन् । तर प्रधानमन्त्री देउवा यसमा मान्ने पक्षमा छैनन ।