काठमाडौं । अमेरिकी सहयोग नियोग मिलेनियम च्यालेन्ज कर्पाेरेसन (एमसीसी) कम्प्याक्ट सम्झौता संसदमा पेश गर्ने नगर्ने रस्साकस्सीमा लागेका सत्ता गठबन्धन दलको बैठक विना निश्कर्ष टुग्गिएको छ । आजको वैठक सकिएको छ । भोलि विहान पून १० वजे गठबन्धन दलको बैठक बस्ने गरी आजको बैठक सकिएको माओवादी केन्द्रका अध्यक्ष प्रचण्डका स्वकीय सचिव रमेश मल्लले जानकारी दिए ।

संसद भोलि दिउँसो १ बजेका लागि बोलाईएको छ ।

एमसीसी सदनमा टेबल गर्ने -नगर्ने सत्ता गठबन्धन दलका वीचमा कुरा नमिल्दा प्रधानमन्त्रीको सरकारी निवास बालुवाटारमा सत्ता गठबन्धन दलको बैठक बसेको थियो ।

प्रधानमन्त्री तथा कांग्रेस सभापति शेरवहादुर देउवाले भोलिको संसद बैठकमा एमसीसी टेबल गर्ने तयारी रहेको भन्दै साथ दिन सरकारसम्वद्द दलका नेताहरुलाई आग्रह् गरेका थिए । तर माओवादी केन्द्रले संसदमा लगेर मात्र नहुने त्यहाँभित्र अहिले बहस गर्ने अवस्था छ र ? संसदको अवरोध पहिले खोल्यौं अनि मात्र संसदमा लैजान सकिएला भन्ने धारणा राखेको थियो । आजको बैठकमा सत्ता घटकमै रहेको जनमोर्चालाई भने निम्ताईएको थिएन । जनमोर्चा एमसीसी सिधै खारेजको पक्षमा छ ।

संसद बैठक अगाडी अव फेरि एकपटक सहमतिको प्रयास गर्ने गरी नेताहरु विना निश्कर्ष बैठकबाट उठेका छन् ।

छलफलमा प्रधानमन्त्रीले फागुन १६ भित्रै पारित गर्नुपर्ने डेटलाइन रहेको बताएका थिए । तर माओवादी र एकीकृत समाजवादीले भने आ आफनो पार्टी बैठक रहेको भन्दै त्यसमा छलफल गर्ने भन्ने केही दिन अझै कुर्न पनि आग्रह गरेको बालुवाटार स्रोतले बताएको छ ।