काठमाडौं । औषधि सल्लाहकार समितिले १५ प्रकारका औषधिको दर्ता गर्न सिफारिस गरेको छ। गत पुस २९ गते बसेको समितिको ५२ औं बैठकले नयाँ मोलक्युलयुक्त औषधि दर्ता गर्न औषधि व्यवस्था विभागलाई बाटो खुलेको हो ।

समितिले औषधि व्यवस्था विभागलाई औषधिको विशेष सिफारिस सम्बन्धि (पहिलो संशोधन) कार्यविधि, २०७७ को दफा ११ बमोजिम १५ प्रकारका औषधिको दर्ता गर्न सिफारिस गरेको हो। नयाँ औषधिहरु दर्ताका लागि छानिएका औषधिहरु क्यान्सर रोग देखि आँखाको उपचारसम्म प्रयोग हुनेखालका छन् ।