काठमाडौँ । ओमानमा जारी टी २० विश्वकप छनोटअन्तर्गत नेपालले फिलिपिन्सलाई २१८ रनको लक्ष्य दिएको छ । टस हारेर ब्याटिङ गरेको नेपालले तीन विकेट गुमाउँदै २१७ रन बनाएको हो ।

खेलमा कुशल भुर्तेलले ६१ बलमा १०४ रन बनाए । उनले ६१ बल खेल्दै १३ चौका १ छक्का प्रहार गरे । यस्तै दीपेन्द्र सिंह ऐरीले ४७ बल खेल्दै ६ चौका र ४ छक्का मद्दतमा ८३ रन बनाए ।

यस्तै, सुरुवाती ब्याटिङमा गएका नेपालका आशिफ शेख गोल्डेन डक आउट हुँदै बाहिरिए । उनीपछि गएका कुशल मल्ल दुई चौकासहित १२ रन बनाउँदै पभेलियन फर्किए । नेपालले पहिलो खेलमा ओमानलाई ३९ रनले पराजित गरेको थियो ।