काठमाडौँ । अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी)को विरोधमा उत्रिएका सर्वसाधरणले निषेधित क्षेत्र तोडेको भन्दै प्रहरीले अश्रुग्याँस प्रहार गरेको छ । काठमाडौंको नयाँबानेश्वर संसद भवन नजिक आन्दोलन भएसँगै यो क्षेत्र तनावपूर्ण भएको हो ।

प्रहरीले सडकमा लगाएको बार हटाएर प्रदर्शनकारी अघि बढेको भन्दै प्रहरीले प्रदर्शनकारीमाथि अश्रु ग्याँस र पानीको फोहोरा हानेको हो । केही प्रदर्शनकारी घाइते भएका छन् ।

नयाँबानेश्वर क्षेत्रमा गरिएको विरोध प्रदर्शनका कारण काठमाडौंको यातायात अवस्था प्रभावित भएको छ । एमसीसी संसदमा टेबुल गर्ने निर्णय सत्ता गठबन्धनको बैठकले गरेसँगै आन्दोलन थप उत्कर्षमा पुगेको हो ।