काठमाडौं । नेपालमा सोमबार थप ३ सय ८८ जनामा कोरोना संक्रमण पुष्टी भएको छ ।

पछिल्लो २४ घण्टामा देशभरका विभिन्न प्रयोगशालामा गरिएको ५ हजार २२५ जनाको पीसीआर परीक्षणमा २४७ र २ हजार ९१५ जनाको एन्टिजेन विधिबाट गरिएको परीक्षणमा १४१ जना गरी ३८८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा ४ कोरोना संक्रमितको मृत्यु भएको पनि मन्त्रालयले पुष्टी गरेको छ ।

मन्त्रालयकाअनुसार, पछिल्लो २४ घण्टाको अवधिमा मुलुकका विभिन्न अस्पतालबाट १ हजार २०५ जना कोरोना संक्रमणमुक्त भएका छन् ।